සැමට යහපත සදමු - වැරදි දේ දැක මිදෙමු
අපේ සිත් අපි හදමු - තිලෝගුරු ගරු කරමු
අපි උපන් සැප විදිමු - එතෙර වීමම කරමු
මහා කාරුණික තථාගතයන් වහන්සේ අනුශාසන කෙරෙහි අපි සිත් යොමුකරමු.
පව් නොකිරීම - කුසල් සිත දියුණු කිරිම - සිත දමනය කර ගැනිම.
- පාපයෙන් වැලකිමට විරිය කරන්න අවශ්ය වන්නේ ඇයි? අපට ඇති වී ඇති - අපට විදින්න තිබෙන - අප දැනට විදින - සියලු දුක් පාපය නමැති මුල ධර්මයයි.
- කුසල් සිත දියුණු කරන්න අවශ්ය වන්නේ අයි?
ලෝකයේ ඇති සියලු සැප - ලෝකයේ ඇති වෙන්න තිබෙන සැප - දැනට විදින සැප - සියල්ල ලැබෙන හේතුව කුසල් සිත දියුණු කිරීමමයි.
- සිත දමනය කරන්නඅවශ්ය වන්නේ අයි?
අප සියලු දෙනාම සසර වසන තුරුම මේ තියෙන දුක හෝ සැප දැන හෝ නොදැන විඳමින් යන්නා වූ ඉපදෙමින් - පැවතිමින් - මැරෙමින් සංසරණය වීම - සැරි සැරිම - අගක් මුලක් නොපෙනෙන තරම් අඳුරකි. මහා උත්තම සම්මා සම්බුදු කෙනෙකුටවත් නොපෙනෙන තරම් අති දීර්ඝ සැරි සැරීමකි. එබැවින් ඒ සසර ගමන නතර කරන්න තිබෙන උතුම් මාර්ගය සිත දමනය කරගැනීම තුලින්ම හැර වෙන කිසිදු මාර්ග ප්රතිපදාවක් නොමත. ඒ සදහා තුන්කල් දක්නා වූ තථාගත අනුශාසනාව කෙරෙහි අපේ සිත් යොමු කරමු. තමතමන් තම තමන් විසින්ම හඳුනා ගෙන අවබෝධයක් ඇතිව වැඩ අරම්භ කළ යුතුයි. තමන් තුළ කරුණාව - දයාව - අනුකම්පාව - මෛත්රිය වඩන්න තරම් සුදුස්සෙක්ද? යන්න හඳුනාගෙන එයට සුදුසුකම් නැති හේතු සොයා ගන්න.
ඒ හේතු නම් සතුන් මැරීම - සත්ව මාංශ වලට ගිජු කම - කෑදරකම - පුරුද්ද - ඇබ්බැහිවිම - සොරකම් කිරීම - දහඩිය මහන්සියෙන් උපාය නොගෙනීම - අනුන්ගේ භාණ්ඩ පිළිබද ආශාව - තමන්ගේ තරමට වැඩා වියදම් කිරීම - නොහිබිනා ඇසුර - ඊර්ෂාව - කෝපය - ලෝක මන්නයට කටයුතු කරන්නට යාම - කාමය වරදවා හැසිරිම - තම තමන්ගේ හැගීම් පාලනය කර නොගැනීම - ලාමක හැගීම් වලට ගිජු වීම - නින්දා සගත කරුණක් බව නොසිතීම - ආශාවන් පිනවීමට යෑම - බොරු කීම - කේලාම් කීම - පරුෂ වචන කීම - හිස් වචන කතා කිරීම - අනුන් මුලාවට පත් කිරීම - තමන් උසස් කොට අනුන්ට ගැරහීම - ලාභ ලබා ගැනිමට - මුනිච්චාවට පුරුද්දට සෙල්ලමට නොසිතාම බොරුවට හුරු වීම - සුරාවට මතට යොමු වීම - තමන්ගේ උතුම් මනස දුර්වල කර ගැනීමක් බව නොවෙටහිම - පිරිහීම - දුර්වල පුද්ගලයන් ඇසුර - ලාමක නොහොබිනා දෙයට යොමු වීම - ඇබ්බැහිවිම - ඇබ්බැහිවුවන්ගේ ඇසුර - මේවා ඕනෑම ආගමික පුද්ගලයකු වුවත් - මොවන් සමාජය විනාශය කරා යොමු කරවන, කරන දුර්ජනයන් බව හදුනා නොගන්නාතාක් ඒ අය කෙරෙහි හෝ ඔබ කෙරෙහි හෝ දයාවක් - කරුණාවක් - අනුකම්පාවක් - මෛත්රියක් යහපතක් ප්රාර්ථනා කරන්න සුදුස්සෙක් නොවන බව වැටහා ගෙන පළමුව තමා තමාට යහපත පිණිස ඒ ඒ දුර්ගුණ අගුණ තැන් දුරු කර ගෙන දැහැමි දිවියකට සුදුසු මිනිස් ගුණ පළමුව හදුනා ගත යුතුමයි.
එවිට සියලු පව් වලින් වැලකි - අත් මිදී සියලු කුසල් දහම් වඩා ගැනිමට , පුරා ගැනිමට ඔබ සුදුස්සෙක් බවට පත් වේ. ඔබේ සිත දමනය කර ගැනිමට ඔබ සුදුස්සෙක් බවට පත් වේ. ඔබේ සතුට - ඔබේ සාමය ඔබේ යහපත - ඔබේ දියුණුව - ඔබේ ගුණ - ඔබටම දැක ගත හැක .
ඔබේ මවට බුදුන් දැක නිවන් දැක ගැනිමට - ඔබේ පියාට බුදුන් දැක නිවන් දැක ගැනිමට - ඔබ උපන් දේශයට ජය ලබා දීම - ඔබේ දරුවනට යහ මග ගැනීමට ඔබ අප කවුරුත් කළ යුත්තේ මහා කාරුණික තථාගතයන් වහන්සේගේ අනුශාසන කරෙහි සිත් යොමු කරවා මෙලොව සැප, පරලොව සැප, සියලු ලෞකික සැප ද ලෝකෝත්තර සැප සංඛ්යාත නිවන් සැප පතා ජය ලබා ගැනිමට ක්රියා කරමු.
ඔබ සැමට තෙරුවන්සරණයි!
මෙයට ඔබේ යහපත පතන,
ශාසන අහිවෘද්ධිකාමි,
නවදගල අනාගාරික ධම්මික යෝගාවචර හිමි.
ඔබ වහන්සේ විසින් ගන්නා උත්සාහය සාර්ථක වේවායි...... ප්රර්ථනා කරමි.....
ReplyDelete